Futbola: Kazetaritza eta futbola zikintzen

Kazetaritza eta futbola zikintzen

Futboleros eta Punto Pelota telebista-saioak

Futboleros eta Punto Pelotaren jarraitzaile izandakoa naiz, batik bat Marca Tv-ko saioarena egunero ikusteko ohitura nuen eta. Antzeko bi saio hauek futbolaren inguruko analisi sakona egiten saiatzen dira eztabaida taldeen bidez. Moderatzaile bat ezartzen dute, eta iritzi kontrajarriak dituzten bi bando antolatzen dituzte ( Bartzelonaren aldekoa eta Real Madrilen aldekoa). Hortaz aparte, informazio edo esklusiba bat ere eman ohi digute saio hauetako zuzendari, moderatzaile eta solaskideek. Baina, analisian eta informazioan zentratzea baino, badirudi atseginago dutela beraien artean iraintzea edo tonuz kanpoko kritikak egitea, eta saioa informazioaren alorretik bideratu beharrean, sortzen den tentsio egoera baliatuz, irain, kritika eta garrasietan zentratzen da aurrez aipatutako bi programetan.

Azken urte hauetan eztabaida taldeetan oinarritzen diren saioek publiko zabala lortu dute espainian mailan  "reality" deritzon programekin batera. Bertan sortzen diren pertsonai famatu edo jet-jet jendearen arteko eztabaida sutsuek sortutako morboa interesgune bilakatzen delarik.

Kirol eta futbolzaleok ( futbolzaleak aipatzen ditut progrma hauek futbolean oinarritzen dira eta) fenomeno hau gure artera edo alorrera ez iristeko esperantza genuen, bagenekien eta kirolaren mesederako ez zela, kirola desistxuratzeaz gain bigarren plano batean utziko zuelak, baina bai, gertatu da eta min handia egiten ari zaigu.

Lehen aipatu bezala Futboleros eta Punto Pelota  dira gure artera fenomeno desitxuragarri hori iritsi denaren zantzu argiena. Nahiz eta informazio garrantzizkoa ematen den noizbehinka, informazio horie buruzko iruzkin iguingarri eta irainetan zentratzen dira bi saioak, Salvame bailitzan.

Zer egingo diogu ba, gaur egun morboa da telebistan saltzen dena.Hala ere, benetan harritzen nauena zera da: Ez al gara konturatzen fenomeno honen ondorio kaltegarrietaz? Nire aburuz, honelako saioek kirola eta kazetaritza polemika bihurtu dituzte, polemikak morboa dakarrelako eta honek aldi berean publikoa, noski.

Behin edo behin ikusten dut Futboleros edo Punto Pelota oraindik ere, informazio garrantzitsua emango dutelako esperoan, baina maite dudan kirola eta nire lanbide izango denari egiten zaizkion irainez nazkatu eta katea aldatzen dut. Ez ditzagun kirola eta kazetaritza zikindu mesedez!

Iñaki Berastegi

@IBerastegi

Futbola: Sentsazionalismoa

Sentsazionalismoa: Kazetaritzaren orbana

                                        

Marca-k eta Sport-ek argi utzi dute edozein momentu  paregabea dela  titular sentsazionalista bat duen azal bat argitaratzeko, azken finean honelako gauzek erakartzen dute irakurlegoa. Lotsagarria da zer nolako tirabira eta etengabeko borroka mantentzen duten Madril eta Bartzelonako egunkariek, estatu mailan gehien irakurtzen diren bi egunkari direla kontuan hartuta.

Argi dago bi egunkari hauek bere irakurlegoa erakartzeko sentsazionalismoa erabiltzen dutela informazioa baino, eta hori kazetaritzaren eginkizuna irakurlegoa informatzea dela jakinik, ez da zilegi. Kirol egunkari bakoitzak bere hiriburuko futbol taldea eta kirola defendatzen ditu, beren berdintasuna besteari eginiko kritika eta "izkutuko irainetan" datzalarik. Edozein ikuspuntutik begiratuta ere beti konklusio berdinera iritsiko gara: izen desberdina duten egunkari sentsazionalistak dira biak ala biak, informatzea baino irakurlegoaren kopurua handitzea dutelarik helburu bakarra.

Baina hori al da kazetaritzaren helburua?Irakurlegoa lortzea ala informatzea? Seguru jende askok irakurlegoa erakartzea emango luke erantzuntzat; oso oker gaude jaun-andreok. Edozein esaldi, hitz, argazki, zurrumurru baliatzen dute egunkari hauek beren azala edo portada ateratzerakoan ( aldamenekoari eraso egiten bazaio askoz hobeto).

Aldatu ditzagun denon onerako honelako jokabideak, gero eta normalagotzat jotzen hasi baita jendea, eta hori ez da gure mesederako: Kazetaritza informazioa baliatuz irakurlearengana iristea da! Informatzea, ez ahaztu, informatzea...

Iñaki Berastegi 

@IBerastegi

Futbola: "Jokoz-kanpo" dauden epaileak

“Jokoz-kanpo” dauden epaileak

Futbolzale amorratua nauzue. Betidanik izan ditut gustuko kirolak eta kiroletan errege den futbola. Gogoratzen dut txikia nintzenean baloi beti eskuartean eraman ohi nuela nire jostailu kutunena bailitzan. Egunero praktikatu ohi nuen nire kirol maitea, edonon eta edozeinekin, futbolean jokatzea nuen bakarrik buruan.

Egun pasio berdina izaten jarraitzen dut, nahiz eta hainbeste denbora ez eduki praktikatzeko. Baina ez natorkizue futbolarekin dudan harremanaz hitz egitera, baizik eta azkenaldian sumatu dudan fenomeno harrigarri baten inguruan dudan ikuspuntua zuei plazaratzera.

Nafarroako afizionatu mailan futbolean aritzeaz gain oso gustuko dut  maila

horietako partidak ikustea. Astebururo saiatzen nahiz norgehiagokaren bat ikusten gainontzekoak egunkarian irakurtzen ditudan bitartean.

Azkeneko asteetan maila hauetako partidak

zuzentzen dituzten epaileak lanean ikustean buruz hainbat kuestio sortu zaizkit nire barnean. Fisikoki egoera onean al daude mota honetako partidak zuzentzeko? Nire ustez ezetz. Azkenaldian ikusi ditudan zenbait epaile ikusita nire erantzuna ondorengoa da; noski ezetz.

Denok dakigu zaila dela epaile izatea Bartzelonak eta Madrilek jokatzen duten norgehiagoketan. Baina gogoratu nahi dizuet epaile horiek babestuta

egoten direla eta afizionatuen mailetan daudenak ordea ez. Beheko maila horietan lan egiten duten epaileek tentsio egoera oso handiak sufritzen dituzte, gurasoen oihuak etab.. eta askotan izutu egiten dira.

Hortaz,  nik planteatzen dudana zera da: Epaile batek tentsio egoerak ekidin nahi baditu( askotan tentsio egoerek ez dute justifikaziorik) ongi bete beharko luke bere lana, eta lana ondo betetzeko argi dago zelaitik azkar eta egoki mugitzea beharrezkoa zaiela. Beraz, ezin dira

Fisikoki egoera txarrean egon. Orduan, nik ulertzen ez dudana da nola ikusi ditudan azken aste hauetan egoera fisiko onean ez dauden epaileak futbol zelaietan.

Beraien errua ez da soilik, futbol zelai horietara bidaltzen dituen erakundearena baita ere, kasu honetan Nafarroako futbol federazioa.

Ez da inorentzat egokia epaile lanak egiteko egoera aproposean ez dagoen pertsona bat bidaltzea .

Epailea titulua lortzeko azterketa teorikoak egiteaz gain azterketa fisikoak egitea proposatuko nuke nik, honela hein batean afizionatu mailako futbol zelaietako istiluak amaituko lirateke. Epaile izatea ez da erraza, eta are gutxiago fisikoki egoera onean ez daudenean.

Iñaki Berastegi 

@IBerastegi